ಈ ಕೃತಿಯ ಕಥೆಯೊಂದರ ಶೀರ್ಷಿಕೆ ಇಲ್ಲಿ ಯಾರೂ ಮುಖ್ಯರಲ್ಲ; ಯಾರೂ ಅಮುಖ್ಯರಲ್ಲ ಎಂದು. ಇಲ್ಲಿನ ಕಥೆಗಳ ಪಾತ್ರಧಾರಿಗಳು: ಮಳೆ, ಗಾಳಿ, ಕಾಡು, ಆನೆ, ಚಿರತೆ, ಹುಲಿ, ಕಾಡುನಾಯಿ, ತೋಳಗಳ ಜೊತೆಗೆ ನಿರೂಪಕ/ನಿರೂಪಕರು, ಮಾದ, ಬೊಮ್ಮ ಇತ್ಯಾದಿ. ಈ ಕಥೆಗಳ ನಾಯಕರಾರು? ಎಲ್ಲರೂ ನಾಯಕರೆ ಅಥವಾ ಎಲ್ಲರೂ ನಾಯಕರಲ್ಲ, ಕೃತಿಯ ಮೊದಲ ಪುಟದಿಂದ ಕೊನೆಯವರೆಗೂ ಇದ್ದೂ ಇಲ್ಲದಂತೆ ಅಂತರ್ಗತವಾಗಿ ಕಥಾಬಂಧವನ್ನು ಹಿಡಿದಿಟ್ಟುರುವ ನಾಯಕನೊಬ್ಬನೇ! ಅದೇ ಇಕಾಲಜಿ ಮತ್ತು ಮಾಯಾ ವಾಸ್ತವಗಳ ಸಮ್ಮಿಲನ. ನೀವು ಈ ಕಥೆಗಳನ್ನು ಓದುತ್ತಿದ್ದರೆ ಇವುರೆಲ್ಲರೂ ಮುಖ್ಯರೂ ಅಮುಖ್ಯರೂ ಆಗಿ ಭಾಸವಾಗುತ್ತಾರೆ.